Plantun de Prouvènço

Pèr coumpara dos planto d'encò nostre

Delphinium consolida & Campanula rotundifolia subsp. macrorhiza

Flour-de-l'amour-fèro

Delphinium consolida

Ranunculaceae

Autre noum : Flour-dei-capouchin.

Nom en français : Pied d'alouette.

Descripcioun :
La flour-de-l'amour-fèro es uno planto de l'an que trachis principalamen dins li cerealo o peréu dins lis ermas. Li flour soun d'un blu prefound emé un long esperoun. La souleto subsp. au nostre èi consolida.

Usanço :
Planto empouisounanto, utilisado à passa tèms pèr tua li pesou e li mourpioun (emé d'aplicacioun sus la pèu). De la manja, fai raca (emetico).

Port : Erbo
Taio : 20 à 80 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Delphinium
Famiho : Ranunculaceae

Ordre : Ranunculales

Coulour de la flour : Vióuleto
Petalo : irreguliero
Ø (o loungour) flour : 20 à 35 cm
Flourido : Printèms - Estiéu - Autouno

Sòu : Ca
Autour basso e auto : 0 à 1200 m
Aparado : Noun
Remarco : Champ de cerealo
Jun à óutobre

Liò : Champ - Colo - Meissoun
Estànci : Mesoumediterran à Mountagnard
Couroulougi : Eurimediterrano
Ref. sc. : Delphinium consolida L., 1753 (= Consolida regalis subsp. regalis Gray, 1821 )

Campaneto(-di-fueio-redouno)

Campanula rotundifolia subsp. macrorhiza

Campanulaceae

Autre noum : Campanello(-di-fueio-redouno).

Nom en français : Campanule à grosses racines.

Descripcioun :
Aquesto campaneto èi coumuno en basso Prouvènço. A dos meno de fueio, aquéli d'en bas (pas toujour aqui quouro flouris) soun redouno emé un pecou, e li d'en aut primo. La subsp. macrorhiza, que trachis tipicamen dins li pertus de paret e roucas, a uno racino mai espesso que la subsp. rotundifolia.

Usanço :
Es uno planto manjadisso. La racino sèmblo apasima li doulour.